Бүген Арча районы Яңа Кырлай авылында Габдулла Тукайның төзекләндерелгән әдәби-мемориаль музей комплексы ачылды.

Музей комплексын ачуда Татарстан Рәисе Рөстәм Миңнеханов катнашты.

Музей комплексы директоры Алинә Мөхәммәтшина экспозицияләр буенча экскурсия үткәрде.

Музей белән танышкач: «Музей зурайган, матурланган!» – дип белдерде Рөстәм Миңнеханов.

Рәис музейга балаларны китерергә кирәклеген әйтте.

Искәртеп узабыз: масштаблы реконструкция эшләре 2021 елда Рөстәм Миңнехановның Яңа Кырлайда татар иҗат интеллигенциясе вәкилләре белән очрашуыннан соң башланды. Ул вакытта Рөстәм Миңнеханов музей комплексының торышы турындагы мәсьәләне күтәрде, шагыйрьнең 140 еллыгын музей лаеклы хәлдә каршыларга тиешлеген әйтте.

Хәзер музейда ТР Рәисенең иҗади интеллигенция вәкилләре белән очрашуы бара.