Мәктәпләрдән – 600, урта һөнәри белем бирү оешмаларыннан – 100 укытучы шул рәвешле квалификациясен күтәрәчәк. Проектны гамәлгә ашыруга акчаны Мәгариф һәм фән министрлыгы бирә. Субсидияне Татарстанда Мәгарифне үстерү институты алачак.

Институтка акча бирү өчен тиешле документлар, шул исәптән чаралар программасын һәм, исәп-хисаплар белән, аңлатма язуын әзерләргә кирәк. Заявканы карап тикшерү срогы – ун эш көненә кадәр.

Шунысын да билгеләп үтәргә кирәк: быел сентябрь аеннан республиканың 100 мәктәбе һәм 35 көллиятендә ясалма фәһем буенча түгәрәкләр эшли башлаячак. Быел җәен 623 информатика укытучысын шул түгәрәкләрне алып баруга әзерләячәкләр.

Бу башлангычлар 2030 елга кадәр ясалма фәһемне үстерү буенча республика программасы кысасында гамәлгә ашырыла. Аның бюджеты 5 миллиард сум тәшкил итә.

Сүз уңаеннан, хәзерге вакытта Татарстанда «Кадрлар» илкүләм проекты гамәлгә ашырыла.