Татарстанда яшь укытучылар өчен «Безнең яңа укытучы» дип аталган түләү кертелә
Татарстанда мәктәптә яңа эшкә кайткан укытучыларга ярдәм итү буенча яңа программа барлыкка килде. «Безнең яңа укытучы» дигән түләүне кайбер таләпләргә туры килгән педагоглар ала алачак.
Хәзер бу чараны регламентлый торган документ коррупциягә каршы тикшерү уза. Укытучыларга ярдәм итү процессын Татарстан Мәгариф һәм фән министрлыгы җитәкләячәк – аңа конкурслы сайлап алу оештырырга һәм кагыйдәләрнең үтәлешен күзәтергә куштылар.
Сайлап алуда республиканың дәүләт һәм муниципаль мәктәпләре педагоглары катнашырга хокуклы.
Кандидат өчен төп шартлар:
- Россия гражданлыгы булу һәм татарстанда даими яшәү,
- 35 яшькә кадәр булу,
- 5 елдан артмаган эш стажы,
- төп вазыйфасы — укытучы, шулай ук профильле югары яки урта һөнәри белем булу. Әгәр диплом предмет буенча ук түгел икән, өстәмә һөнәри яңадан әзерләү дә туры киләчәк.
Моннан тыш, һәр катнашучы үз проектын – дәресләр һәм сыйныфтан тыш эш өчен яңа методикалар яки технологияләр тәкъдим итә торган эшләнмәне әзерләргә тиеш.
