Android операцион системалы гаджетлар өчен махсус «Фонда эшләү» режимы өстәлде. Ул мессенджер кушымтасының фон режимында актив булуын, хәтта элемтә сыйфаты тотрыксыз яки интернетка керү чикләнгән булса да, вакытында пуш-хәбәрнамәләрне кабул итүен тәэмин итә.

Функцияне түбәндәгечә активлаштырырга мөмкин:

МАКСны ачып, «Көйләүләр» бүлегенә күчегез,

«Хәбәрнамәләр һәм тавыш» пунктын сайлагыз,

«Фонда эшләү» опциясен кабызыгыз.

Активлаштырганнан соң, кушымта фон режимында эшләүне дәвам итә алачак һәм хәбәрнамәләрне вакытында китерәчәк, дип билгеләп үттеләр платформаның матбугат хезмәтендә.

Шул ук вакытта, мессенджерда ачыклаганча, функциянең дөрес эшләве өчен система МАКС кушымтасы өчен энергияне саклау режимын сүндерергә тәкъдим итәргә мөмкин. Бу операцион системаның мессенджерның фондагы активлыгын чикләмәве һәм хәбәрнамәләр китерүгә комачауламавы өчен кирәк.

Интернет челтәре чикләнгән шартларда кулланучыларга, МАКС «Фонда эшләү» режимын кабызырга тәкъдим итүче хәбәрнамәне автоматик рәвештә җибәрәчәк, дип өстәделәр матбугат хезмәтендә.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.