Астананың 28 мектебінде қазақ күресі вариативті пән ретінде оқытылады

Бұндай жаңашылдық Мәдениет және спорт министрлігінің бастамасымен еңгізілді.

Ұлттық спорт түрін пән ретінде оқыту ең алғаш 2021 жылы Астана қаласындағы мектептерде апробациядан өтті. Сондай-ақ Назарбаев Зияткерлік мектептерімен бірге 2020-2021 оқу жылына арналған қазақ күресін дамыту жөніндегі іс-шаралардың бірлескен жоспары әзірленіп, жүзеге асырылды.

Пилоттық жоба тиімділігімен танылып, жақсы нәтиже көрсетті. Осының арқасында бүгінде Астананың 28 мектебінде қазақ күресі вариативті пән ретінде оқытылады.

Айта кету керек, елімізде қазақ күресімен жүйелі түрде айналысатын отандастарымыздың саны 159 мыңға жетті. Бүгінгі таңда 4427 қазақ күресі үйірмесі жұмыс істейді. Мәдениет және спорт министрлігі ұлттық спорт түрін дамыту бағытындағы кешенді жұмыстың нәтижесінде бұл көрсеткішті одан әрі арттыруға ниетті.

"Қазақ күресі әсіресе аудандарда, ауылдарда қарқынды дамып жатыр. Себебі бұл шығыны аз, көпшілік үшін қолжетімді спорт түрі саналады. Бірақ біз қала жастарын да ұлттық спорт түріне баулу мақсатында жұмыс істеп жатырмыз. Қазақ күресіне тек күрес түрі ғана емес, жастарымыздың жігіттік болмысын қалыптастыратын тәрбие құралы ретінде қарау керек. Осы орайда ұлттық спорт түрін мектеп бағдарламасына енгізудің маңызы өте жоғары",- деді ҚР МСМ Спорт және дене шынықтыру істері комитетінің төрағасы Ербол Мырзабосынов.

Сурет: ашық дереккөздерден

Нелегальные майнинговые фермы тратили электроэнергию, как целый город

АФМ проводит системную работу по противодействию незаконному майнингу цифровых активов С начала ...

  • 03.10.2025

Талгат Байсуфинов временно возглавил сборную Казахстана

В ближайших двух играх отборочного турнира на чемпионат мира-2026 сборную Казахстана будет возглавлять Т ...

  • 30.09.2025

Протесты в Мадагаскаре: Президент распустил правительство

Президент Андри Радзолина объявил о роспуске кабинета министров на фоне массовых протестов, вызванны ...

  • 30.09.2025

Концепция безопасного труда РК: четыре направления для современной системы охраны труда

Фото: Gov На аппаратном совещании Министерства труда и социальной защиты населения РК ...

  • 30.09.2025